انا المظلوم

كام مرة بتسمع أوجاعهم
وبتركن جرحك على جنب
وتركّز وانت بتسمعهم
علشان ماتحسش بالذنب
كام مرة .. وكام مليون مرة
شايف أوجاعهم من جوه
و يا عينى يا أبنى على حظك شيفين أوجاعك من بره
كام صاحب سابك في السكة
وخلاك تستنى اصحاب غيرُه
كام صاحب قولتله أسرارك
كام صاحب حبيت تشكيلُه
كام مرة ارتحت عشان فضفضت
كام مرة ندمت عشان إرتحت
كام مرة ابتسموا وهما معاك
وفي ضهرك قالوا كلام عنّك
كام واحد خانك واستعماك
كام صاحب مرة سأل عنك
كام مرة .. وكام مليون مرة
شايف أوجاعهم من جوه
و شايفين أوجاعك من بره