تمثال خشب

وعدتيني بحق الله

وحق اللي اتخلق بيننا

اكونلك كل شئ شايفاه

وعمر ما تفترق عيننا

نسجلك حبي مركب شوق

ورسم الصاري بشروطك

على شراعها النسيم بيفوق

وبيغني الغروب صوتك

يونس وحدة الصدفات …

في عمق مشاعري تنهيدك

عنيا اللي اتحيو بسحرك

اتحيرو

اختارو يبقو ياقوت

بين الجواهر سلسلة

تلمس دفا جيدك

ووقت ما يموت القمر من ضي فجرك

هندهك

واستحضرك

من بين ضلوعي تسلمي لقدرك

ونفوًحي ورود الغرام

تسكر عنيا المليانين راحة وندم

عريانة تماثيل الرضى بالقسمة والمكتوب

بتعد بينا الخطى بال آهَ متر وبالألم

راح الندم …

يسقينا كاس جرح الذنوب

ويتوب ….

وما بنا لسه وعود

عاوزك تخليها ع الرف لو ذكرى

تمثال خشب محروق

هينبته شعور بالندم

من الارض مية مرة

للذكرايات …..

ينهار …..

ويتعرى