قصيده محاكمة حب (أيات البكري)

حٌرية !

وعرفتى كلمة حٌرية

يابنت أبية مصرية !

نسجت من الدموع خوفها
وبٌرقٌعها يداوى كسوفها
وفى عيونها طفلة بهية
بحرك واختفاله اللون

ونيلك ازاى عليكى يهون
وتاريخك وأمجادك صفحة
من كتاب ملعون
وعجبى عجبى عليكى
يا زهرة برية
يـــــامصــــــرية

2)

أخدتى من الغرب خالك
وداريتى علينا أحوالك
وراجعة عوجة لسانك
خلاص بقيتى أوروبية!!
غيرتى بلدك بالعدسات
يا أم العيون  عسلية!!!
وكلام أهلك سمتيه تفاهات
لاهى جايبة ولا مودية!!
وأخلاقك سمتيها عادات
هيفة وسلبية!!
أستنينا تطلع شمسك
يا بنت نهر النيل
يا صورة جميلة فى  مراية
وضحكة بفرحة فى المواويل
لكن رجعتى بخيبة امل وقصة
حب مَنسية يا مصرية

(3

..

أدى أحوال بلدك

من لحظة غيابك
صور قتل وأخواتك

ميتة على الأرض
أصرخى …أصرخى

بكل قوة وقولى يابلدى
أيه اللى صابك ؟؟

الدم فيكى فيلم بايخ

ولسة مانتهاش العرض.
ولا أضحكى وهدى أعصابك
فى بلد بتسنن السنن !!

والقتل فيها أكبر فرض.

شايف عيونك دمعوا

حزينة على مين؟
على دم راح هدر

ولا على فراق السنين؟
ولا على زينة؟؟

زينة زهرة الميادين
اللى قبل ما تفتح

قتلوها المجرمين؟
ولا على أم الشهيد؟

وجراحها بتنزف
على روح ابنها الطهرة
تفتكرى مهما وسيناها

هنزيل الحزن والقهرة
يابنت ال أكرمين ؟؟

5)

محاكمتك بَطلانة

وقضيتك خًسرانــــــــة
لان الجانى مش أنا

الجانى ضمير جوانا
ضمير شبه معانا
ولا نقرى الفاتحة

على ضمير اختار يموت
قبل ما تموت نوايانا
ماهو فى عز المحنة

نستهتر ونصرخ صرخة

مش أكتر!!
وبعد أيام بسرعة ننام
وننسى ساعات

كانت بينا من كتر
الهم بتمطـــــــر

على أم الشهيد

بنطبطب وبنواسى
وبلعن فى سرى

إخوانى وحراسى
ومش عارف مين فيهم

عن الحق متأخر ؟

كسرت فى يوم فنجانى

رفضت أكون أنا الجانى

حلفت أكون لاأخوانى

ولاحتى فى يوم مع العسكر

6)

أنا هجرتك !

أه هجرتك..

وكنت فاكرة العيب فيكى
وبدل ما أبنيكى هٌديتك

وروحت أبنى أكبر أعاديكى
كنت فكراها صورة من جنة

لاقيت نارك أرحم من
جنة غربة ليـــــــــاليكى
ورونى صورة جميلة

وقالولى دى بلدى
شوفت صورة بشاعة

وخوف متلونة وردى
لاقيت أيد ملطخة بالدم

قالولى دى قوة
لاقيت الدم من دمى

وحرقة قلبى من جوة

لاقينى غريبة عن شمسى

وقمرى غاب عنه الليل
عَديتك ولا حبيتك؟

وحبك غزو بالأساطيل
وحشانى …

.وحشنى آذانك وقرآنك
وفرحة لمة جيرانى وجيرانك
وفنجان شاى يجمعنا

بضحكة العصر..
وحشانى علامة النصر

وثورة رفعة اسمك يامصر
ودلوقتى حضنك بيرفضنى

بكلمة حظر!!!

وأنا بنتك

7) ..
أنا بنتك وحمياكى
أنا دعوة أم فى ضُحاكى
ولو فكرت فى يوم انسى
أنسى اسمى ولا أنساكى
أنا بنتك..

أنا لونك لون نيلك

بضى القمر
وعمرى مافكرت أخونك

ولا خونتك
ده حبك فى قلبى

أجمل قًدر
أنا بطلة القصة

فى غُناكى .
.أنا صورة عشق

متعلقة جواكى
وبحق 30سنة

يجروبوا فيا
بحق لحية وعمة

ورصاصة مخفية
عمر دينى ما كان

سبحة و جلابية..
زنازينك مالوها بعائشة وصافية
التهمة ايه يابنات؟؟؟

التهمة أرهابية
اه يابلد ثمرة رجوعها

مش مزقية..
ودم الشهدا فيها

ياريته بيحكم فى القضية.
فصيلة الدم إيجابية

وبعلن نفسى مصرية
ولسة بقولها حرية

ومش ليا

ده مصر هى المعنية

 

 

(ايات البكري)